Ushtria e Kosovës në veri, Fitore Pacolli: FSK-ja është dhe do të jetë gjithmonë në çdo cep të Kosovës

10:22 | 29 Korrik 2025
E.K

Deputetja e Lëvizjes Vetëvendosje, Fitore Pacolli, ka vlerësuar angazhimin e Forcës së Sigurisë së Kosovës (FSK) në veri, ku njësitet e specializuara janë përfshirë në kërkimin e trupit të një mërgimtari në liqenin e Ujmanit, në Komunën e Zubin Potokut.

Pacolli theksoi se FSK-ja është dhe do të mbetet gjithmonë në çdo cep të Kosovës, duke qenë në dispozicion për të ndihmuar sa herë dhe kudo që ka nevojë.

“FSK në veri, në mbështetje të autoriteteve civile, për kërkimin e trupit të mërgimtarit në liqenin e Ujmanit, në Komunën e Zubin Potokut. FSK-ja është dhe do të jetë gjithmonë në çdo cep të Kosovës, kurdo dhe kudo që ka nevojë. Ngushëllime familjes! Zoti ua lehtësoftë dhimbjen”, tha Pacolli./Arbresh.info